So funktioniert's - E-Recruiting vereifacht.

Ostendis ungerstützt di bir Rekrutierig vode beschte Mitarbeiter für dis Ungernähme - unkompliziert u intuitiv.

Ostendis JobPublisher™ Multiposting-Lösig

Schrib di offnige Steue uf dr Website, uf verschidnige Jobportau u Social Media-Kanäu us

Mitem Ostendis JobPublisher™ chasch HTML- oder PDF-Steueinserat mit paar Musklicks diräkt usem Ostendis-E-Recruiting-System publiziere u zwar genau dert, wo dini Wunschkandidate si. Spar dir dr Wäg über d'IT- oder d'Marketingabteilig, wo da normalerwis zuständig isch.

Ostendis JobPublisher™ Multiposting-Lösig
Ostendis JobPublisher™ Multiposting-Lösig
Ostendis JobPublisher™ Multiposting-Lösig
Ostendis JobPublisher™ Multiposting-Lösig

Ostendis Import-Service

So eifach chöme d'Bewärbige zu dir.

Härkömmlechi Bewärbigsmanagement-System setzte d'Implementation vom Bewärbigsformular uf dr Ungernähmenswebsite vorus. Zum Leidwäse vode Steuesuechende müesse die ds när immer zwingend usfüue, dass d'Bewärbigsungerlage ids E-Recruiting-System chöme. Bi Ostendis isch ds nid nötig. Du chasch d'Bewärbige kommentarlos a Ostendis Import-Service witerleite u si integriere di Date i dis Ostendis Konto. D'Date wärde fürne effizienti Verarbeitig ufbereitet u zu dim Schutz uf Vire prüeft!

Bewärbigskanäu

CVdropper™ 
E-Mail 
Ostendis 
Papier 
Witeri 
Ostendis Import-ServiceOstendis Import-ServiceOstendis Import-ServiceOstendis Import-ServiceOstendis Import-ServiceOstendis Import-Service

Ostendis CVdropper™

Mach dä gsuechte Fachchräft z'Bewärbe eifach

Biet gsuechte Fachchräft verschidnegi Kanäu ah, für sech bi öich z'bewärbe. Dür ds isch d'Wahrschinlechkeit höcher, offnegi Steue, schneue z'bsetze. Dr Ostendis CVdropper™ git dine Kandidate d'Müglechkeit, öich d'Bewärbigsungerlage sehr eifach überne spezieui Website z'schicke. Dr Ostendis Import-Service bereitet d'Date für di uf. Di stöh dir när zum Aluege u für di witeri Verarbeitig standardisiert zur Verfüegig.

Ostendis CVdropper™
Ostendis CVdropper™
Ostendis CVdropper™
Ostendis CVdropper™

Outomatischs Gedoudschribe

Professionelli Kommunikation gäge use

Die meischte Ungernähme verschicke nachem Bewärbigsigang äs Bestätigungs- bzw. Gedoudschribe. Ds isch mit grosser Büetz verbunge, wird aber vo dä Steuesuechende genereu sehr gschetzt. Ostendis ungersützt di mitem outomatische Versand vo personalisierte Gedoudschribe u ds sogar no zitversetzt. Du chasch so viu Texschtvorlage hingerlege wi du wetsch. U ds ersch no Dütsch, Änglisch, Französisch, Italienisch u Spanisch.

Outomatischs Gedoudschribe
Outomatischs Gedoudschribe
Outomatischs Gedoudschribe
Outomatischs Gedoudschribe

Witerleitig

Teil aui Bewärbige mit interne Entscheidigstreger

D'Bewärbige wo si ine cho, chasch für d'Beurteilig ganz eifach intern ad Linie, a Abteiligsleiter, a Teamleiter oder oh a Chef persönlech witerleite. D'Bewärbigsungerlage chöi a beliebig viu Persone witergleitet wärde. Di müesse sech vorhär nid mau bi Ostendis registriere. Du gsehsch jederzit, a wär du d'Bewärbigsungerlage hesch witergleitet u wär se scho het gläse. Mit eim Musklick chöi Persone dra erinneret wärde, dir no äs Feedback zur Bewärbig z'gä.

Witerleitig
Witerleitig
Witerleitig
Witerleitig

Bewärtig / Kommentär

Interni Kommunikation uf ei Blick

D'Empfänger vode witergleitete Bewärbige chöi när ä Bewärtig u Kommentär zum Kandidat abgä. So finget dir dr bescht Kandidat zäme im Team. Ostendis vereifacht hie di interni Kommunikation, ds spart aune Beteiligte Zyt. Dür di zentrali Spicherig vo aune Bewärtige, Meinige u Überlegige gö die nümme i E-Mails oder Notizzedlä unger.

Bewärtig / Kommentär
Bewärtig / Kommentär
Bewärtig / Kommentär
Bewärtig / Kommentär

Masseantwort

Erspar dir stundelangi Copy&Paste Büetze!

Weder öie Troumkandidat gfunge heit, müesse ja aui angere Bewärber ä persöndlechi Absage becho. Je nach däm wi viu Bewärbige si inecho, cha ds ä riese Büetz bedüte. Mit Ostendis geit ds mit äs paar Musklicks. Eifach di eigete Texschtvorlage uswähle u de übernimmt Ostendis dr Räscht. So wärde när hunderti vo personalisierte E-Mails ir Bewärbisgsprach gschribe u verschickt.

Masseantwort
Masseantwort
Masseantwort
Masseantwort

Kandidatepool (Archiv)

Blib mit potenzieu interessante Fachchräft i Kontakt.

Spannendi Bewärbige chasch bi Ostendis mit Rücksprach mit dä Bewärber im interne Kanidatepool ablege. Dä biudet äs Archiv vo potenzieue Büetzer, wodä jederzit Zuegriff hesch. När chasch im Kandidatepool nach viune Kriterie u eigete Schlagwörter sueche. Lueg doch zersch mau dert, bevor dä viu Gäut fürnes Steueinserat oder ä Personaudienschtleister usgisch.

Kandidatepool (Archiv)
Kandidatepool (Archiv)
Kandidatepool (Archiv)
Kandidatepool (Archiv)

Job- u Bewärbigsverwautig

Verwaut dini Bewärbige zentrau u übersichtlech

Mit Ostendis verwautsich di iganige Bewärbige strukturiert nach dine offnige Jobs. Leg fescht, wär uf weli Bewärbige Zuegriff het. Wede wosch, chasch bire bestimmte Steu ischteue, dass aues vououtomatisch ane bestimmti Person ir Bude zum Aluege u Beurteile gschickt wird.

Job- u Bewärbigsverwautig
Job- u Bewärbigsverwautig
Job- u Bewärbigsverwautig
Job- u Bewärbigsverwautig

Reporting

Interessanti Statistike zu dine Rekrutierigsaktivitäte

Wi viu Bewärbige hesch ufene Steu becho? U wi lang hets duuret bis d'Position isch bsetzt gsy? Frage, wode i Zuekunft dür z'integrierte Reporting-Modul chasch beantworte u mit Grafike darsteuä. Das vereifacht di zuekünftegi Planig vo Rekrutierige, wöu de jederzit uf Erfahrigswärte chasch zuegriffe. Ds Reporting vor HR-Abteilig ads Management wird auso zum Chinderspiu.

Reporting
Reporting
Reporting
Reporting

Dateexport & Schnittsteu (API)

Verbing dini HR-System mit Ostendis

Du wetsch d'Bewärberdate vo Ostendis i angerne Systeme, z.B. ire Personauverwautigslösig bruche? Kes Problem! Ostendis bietet ä offnegi Standardschnittsteu (REST-API), für einzelni Bewärbige oder sämtlechi Date mit beliebige System usztusche.

Dateexport & Schnittsteu (API)
Dateexport & Schnittsteu (API)